Í sumar ætlar Rathlaupsfélagið Hekla í samstarfi við skátafélagið Vífil að bjóða upp á æfingar í rathlaupi sem er ung íþrótt hér á landi.

Hvað er rathlaup?
Rathlaup er hlaupaíþrótt sem virkar eins og hefðbundin ratleikur að finna ákveðna pósta sem eru merktir inn á kort í ákveðinni röð.

Fyrir hverja eru æfingarnar?
Þær eru fyrir börn og unglinga á aldrinum 10 – 15 ára.

Hvað er gert á æfingum?
Æfingar sem fram fara í Jötunheimum er sérstaklega til þjálfunar á kortlestri og notkun á áttavita. Byrjað er á einföldum kortaæfingum sem þyngjast smátt og smátt.

Hver er munurinn á æfingum merktum rauðum og grænum lit?
Rauður táknar æfingar í Jötunheimim sem eru sérstaklega ætlaðar fyrir börn og unglinga. Þessar æfingar fara fram á mánudögum á milli kl 17 og 18:30.

Grænn táknar opnar æfingar hjá rathlaupsfélaginu sem eru fyrir bæði börn og fullorðna. Þær fara fram alla fimmtudaga  og einstaka sunnudaga.  Á fimmtudögum er opið að mæta frá  kl  17:00  til 18:30 og á sunnudögum frá  kl  12:00  til 14:00.

Hvað kostar?
Það kostar aðeins 2500 kr að taka þátt í þessum æfingum frá 21. maí til 28. júní.

Nánari upplýsingar
www.rathlaup.is og hjá Gísla Erni Bragasyni gbragason@gmail.com s: 692 6522

Skráning
Fer fram hér

Dagskrá  maí – júní 2012

Á fimmtudaginn (uppstigningardag) verður rathlaup í Öskjuhlíð. Það er spáð góðu veðri og margt í boði sem hentar allri fjölskyldunni – tvær aðveldar brautir (1 og 2 km), rathlaupsleikir og stigarathlaup (29 póstar/60 mín).

Hlaupið er frá bílastæðinu norðan meginn við Perluna, sjá nánar á korti. Hægt er að mæta á milli kl. 12 og 14.

Hlaupin eru öllum opin og skráning fer fram á staðnum. Þátttaka í hlaupinu er 500 kr en það er frítt að prófa í fyrsta skiptið.

Þrátt fyrir að fjölmiðlar væru búnir að hræða líftóruna úr almenningi með spám um vont veður þennan dag þá var góð mæting í rathlaupið í Heiðmörk. Tólf manns mættu og hlupu í góðu veðri, þótt hitinn hefði mátt vera aðeins meiri. Hér koma úrslitin:

Heildartími/Millitími

Hér kom úrslitin frá hlaupinu 10. maí síðasta fimtudag í Laugardalnum. Það kom hópur frá KFUM og KFUK og tók þátt í hlaupinu og þau stóðu sig bara vel þótt sumir hafi villst dálítið eða gleymt að stimpla sig inn á suma póstana. En það getur einnig komið fyrir reyndari hlaupara eins og sjá má á úrslitunum.

Heildartími/Millitími

Hvað er póstur? Fyrir byrjendur

Hvernig virkar rathlaup?

Næst komandi sunnudag frá kl 12 – 14 verður boðið upp rathlaup í Heiðmörk. Hlaupið verður frá Borgarstjóraplani (kort) Veðurspáin fyrir sunnudaginn er ágæt því ekki mun rigna og hitastigið verður um 6°C. Því er tilvalið að skella sér í Heiðmörk hlaupa rathlaup þar sem boðið verður upp þrjár brautir: byrjenda, meðal erfið og erfið. Rathlaup er frábær leið til að hreyfa sig og njóta náttúrunnar um leið.

Hér eru upplýsingar fyrir byrjendur

Sjáumst hress og kát