Bréf til Hlaupara vegna sumars 2010

Kæri félagi í Rathalupsfélaginu Heklu
Nú fer hlaupa tímabilið að fara af stað, fyrsta hlaupið verður í Laugardalnum fimmtudaginn 6. Maí. Hliðið er opið frá 17:00 til 18:30 hægt er að koma hvenær sem er á því tímabili og hlaupa eina eða tvær brautir.

Aðalfundur félagsins ákvað að hlaupagjaldið fyrir hvert hlaup væri 300 kr. fyrir félagsmenn eða 600 kr. fyrir þá sem ekki eru í félaginu. Innifalið í því er uppsetning brautar, kort, plöst og merkikort. Ákveðið hefur verið að bjóða upp á klippikort fyrir þessu gjaldi sem kosta þá 3000 kr eða 6000 kr en þeim fylgir eitt frítt hlaup (sem sagt 10% afsláttur). Auk þess verður boðið upp á árskort sem kostar 6900 (það er 20% afsláttur). Árskortið greiðir þá fyrir öll hlaup nema íslandsmeistaramótið sem fer fram 5. júní. Athugið að hlaupið 4. júní er innifalið í árskortinu og hægt er að nota klippikort þar þó að það sé formlega hluti af ICE-O.
Börn þurfa ekki að greiða neitt fyrir að taka þátt í vikulegum hlautaviðburðum félagsins.
Eins og þeir sem eru talnaglöggir sjá borgar sig fjótlega að vera í félaginu enda er þá helmingi ódýrara að taka þátt í öllu starfi þess. Hægt er að skrá sig í félagið á heimasíðu þess www.rathlaup.is Það er líka mikilvægt að greiða félagsgjaldið en greiðsluseðill kemur í heimabanka fyrir því gjaldi. Ef hann er ekki komin þá þarf að hafa samband við gjaldkera.
Athugið að það er frítt að prófa. Hægt er að koma og prófa í tvö hlaup og þurfa þá aðeins að skrá sig inn. Eftir það þarf hinsvegar að borga hlaupagjaldið (600 kr fyrir þá sem eru ekki í félaginu annars 300 kr).
Úrslit úr öllum hlaupum eru birt á heimasíðu félagsins eftir hlaupin og krýndur verður félagsmeistari eftir sumarið.
Boði verður upp á hlaup á hverjum fimmtudegi í sumar. Hlaupin hefjast alltaf klukkan 17:00 og hliðið lokar klukkan 18:30. Þó verður dagskráin með öðrum hætti 5. júní þegar íslandsmeistarinn verður krýndur. Þar sem hlaupið er á mismunandi stöðum þurfa áhugasamir að kynna sér dagskránna á heimasíðu félagsins www.rathlaup.is
Þann 6. maí verður boðið upp á námskeið í brautargerð og brautarlagningu í Jötunheimum (Bæjarbraut 7, 210 Garðabæ). Við hvetjum sem flesta til að mæta því að það skiptir miklu máli fyrir félagið að álagið af því að setja út brautir dreifist á sem flesta. Áhugasamir geta komið með tölvur og fengið sérstakt forrit til að setja inn brautir á rathlaupskort.
Stjórn og félagsmenn hafa unnið hörðum höndum í vetur að útbreiðslu íþróttarinnarinnar en við þurfum alla þá hjálp sem að hægt er. Besta leiðin er að kynna íþróttina fyrir vinum, kunningjum, samstarsfélögum, ættingjum og öðrum sem að leið eiga hjá. Við hvetjum þig því til að koma með gesti og leyfa þeim að prófa.

Fyrir hönd stjórnar félagsins

Guðmundur Finnbogason